JavaScript is not enabled!...Please enable javascript in your browser

جافا سكريبت غير ممكن! ... الرجاء تفعيل الجافا سكريبت في متصفحك.

-->

بالصور / تدوينة مؤثرة جدا من والدة الطفل يوسف :"أنت مت مرة أنا كل يوم نموت ألف مرة"

خط المقالة


 جربتش تعيش واقع كلمة كبدتك تشوات

جربتش اول فرحة و أول صغير عندك تسمع بيه مات و أنت ما تنجمش تعيش الواقع و كل يوم تقوم على أساس باش تمشي تقومو يمشي للروضة

جربتش يخرجو نعش ولدك و انت مصدومة و تقول ماشي و راجع

جربتش تعيش مع اثر ولدك و هو مات

جربتش تكره الدنيا و تأيس منها بالرغم عندك صغير آخر نعرف باش تقولولي احمد ربي غيرك ما عندوش اما ما يحس بالجمرة كان الي يعفس عليها

اني اختكم جربت كل شيء الا موت روح قلبي قسمني في زوز

وليدي مات مرة و اني كل يوم نموت الف مرة. يقولولي كون قوية و اقف لولدك لاخر و راجلك و اني موش مستانسة نطيح و نسلم موت وليدي وفاني 

اني المرا القوية تعديت بظروف و قاومتها

اني اك المرا القوية الي عمرها ما طاحت سايي طحت 

اني المرا القوية الي عمري ما تغلبت اليوم مغلوبة ما نقدرش على ربي يا روح مماتي كان جا فكك عبد راني جبتك و انت تعرف مماتك ما تسلمش فيك أما هذا ربي ما عندي ما نعمل

يوسف ولدي راهو مشى يا ناس 

ولدي يوسف الي كنت خايفة عليه من روحي مشى

ولدي يوسف بح يا اخواتي

يا ربي صبرني ادعيولي بالصبر راني وليت نمشي في الشارع و نحكي وحدي و نقلو هات يدك بش نشقو الكياس اي الكياس الي خذالي روحي العباد الي تسوق و ما عندهمش مسؤولية و لا قلب ربي حسيبكم اكثرش من هكا باش نجرب 

الحمد للله على أي حال و ربي يرحم وليدي

Commentaires
NomE-mailMessage